დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის პირველი მოადგილის, თამარ გაბუნიას თქმით, საქართველოსი უახლოეს მომავალში სამივე მეთოდით, ანტისხეულებზე და ანტიგენებზე დამყარებული ტესტებით ტესტირებას დაიწყებენ. ამის შესახებ მან მთავრობის ბრიფინგზე ისაუბრა. გაბუნიამ აღნიშნა, რომ ქვეყანაში უკვე შემუშავებულია ალგორითმი, რომელიც განსაზღვრავს ჯგუფებსა და ტესტირების ჩატარების მეთოდს.

"ამ ალგორითმის მიხედვით უმოკლეს ვადაში დაიწყება სამივე მეთოდით ტესტირება, როგორც პისიარ, ასევე ანტიგენების დაჩქარებული ტესტი, ასევე, ანტისხეულების ტესტი. ჩვენ უკვე საწყისი რაოდენობა სამივე ამ ტესტის გვაქვს და შერჩეულია საიდან დაიწყება ტესტირება განახლებული ალგორითმის შესაბამისად", — თქვა თამარ გაბუნიამ.

მან აღნიშნა, რომ სახელმწიფოს უკვე აქვს მზაობა ე.წ. ცხელების კლინიკებში გამოიყოს სპეციალური ზონა სადაც პაციენტი 24 საათის განმავლობაში დარჩება, შეფასდება კორონავირუსზე და პასუხის მიხედვით მოხდება მისი მართვა. მისი თქმით, ალგორითმი, ასევე, გამოყოფს ტესტირების პრინციპებს და მიდგომებს მაღალი რისკის მქონე ჯგუფებისთვის, როგორიცაა კონტაქტები, სამედიცინო პერსონალი თუ ინსტიტუციურ დაწესებულებაში მყოფი პირები.