მოსკოვის მერმა, სერგეი სობიანინმა რუსეთის პრეზიდენტ ვლადიმერ პუტინს განუცხადა, რომ დედაქალაქში ინფიცირებულთა რეალური რიცხვი ოფიციალურ მაჩვენებელს ბევრად აღემატება.

მისი თქმით, ჩატარებული ტესტირების რაოდენობა საკმარისი არ არის, ზოგიერთი მოსკოველი უცხოეთიდან ბრუნდება, თვითიზოლაციაშია და არ იცის აქვს თუ არა ვირუსი.

"რეალურად, დაავადებულების რაოდენობა გაცილებით დიდია", — განაცხადა სობიანინმა.

ამჟამად რუსეთი კორონავირუსით ინფიცირების 658 შემთხვევას ადასტურებს, რაც აღმოსავლეთ ევროპის სხვა ქვეყნებთან შედარებით, გაცილებით დაბალი მაჩვენებელია.

აქამდე პუტინი აცხადებდა, რომ სიტუაცია კონტროლს ექვემდებარებოდა. თუმცა ჯანდაცვის ზოგიერთი სპეციალისტი ინტერესდება, რამდენად ასახავს ოფიციალური რიცხვები რეალობას.

24 მარტს პუტინმა მოინახულა საავადმყოფო, რომელიც კორონავირუსით პაციენტებეს მოემსახურება.

ფოტო: კრემლი

ფოტო: კრემლი