დეკანოზ თეოდორე გიგნაძის თქმით, ღვთისმსახურებები დღეში ორჯერ ჩატარდება და ამით მრევლის რაოდენობა ნაკლები იქნება. მისივე თქმით, ეს ცვლილება კვირა დღის ღვთისმსახურბებსაც ეხება. დეკანოზის განცხადება ჯვართამაღლების ტაძარის გვერდზე გავრცელდა.

როგორც დეკანოზი ამბობს, ისინი საკითხს "შემოქმედებითად" უდგებიან და მდგომარეობის ცვლილების მიხედვით ღვთისმსახურებაში "ახალ-ახალ რეგულაციებს" შეიტანენ.

"ჩვენ გარკვეული რეგულაციები შემოვიტანეთ ღვთისმსახურებაში, რომელთა შესახებ ადრე განვაცხადეთ და რომელთა განხორციელება უკვე დავიწყეთ. ერთ-ერთი, რაც გადავწყვიტეთ, რომ გავაკეთოთ არის ის, რომ ლიტურგიები ყოველ დღეა და ვცდილობთ, რომ გავყოთ ეს მსახურებები [საუბარია ყოველდღიური პირველშეწირული ლიტურგიების დილა-საღამოს აღსრულებაზე]. გვაქვს ორი მოქმედი ტაძარი, მსახურებები იქნება დილით და საღამოს, შესაბამისად, მრევლიც გაიყოფა და მათი რაოდენობა იქნება ნაკლები", — განაცხადა დეკანოზმა.