საარჩევნო მარათონის შედეგები, რომელსაც ამერიკასთან ერთად მთელი მსოფლიო ელოდა, უკვე ყველასათვის ცნობილია. აშშ-ს 45-ე პრეზიდენტი რესპუბლიკელი დონალდ ტრამპი გახდა. ამ დამღლელი და რთული გზის გავლა პოლიტიკოსებთან ერთად მათი ოჯახის წევრებსაც უწევდათ.

ვიდეოში დონალდ და მელანია ტრამპების შვილი ბარონი ჩანს, რომელიც, სავარაუდოდ, მთელი ღამე მამასთან ერთად უყურებდა არჩევნების მიმდინარეობას. მას უჭირს მამის გამოსვლისას სიფხიზლე შეინარჩუნოს და არ ჩამოეძინოს. ბარონი გამოფხიზლების ტრადიციულ ხერხებს მიმართავს: თვალებს აჭყეტს, ქანაობს, რომ არა კამერები, ალბათ იხტუნებდა კიდეც. ერთ მომენტში პატარა ტრამპს ამთქნარებს კიდეც, მაგრამ ცდილობს, ამაზე ყურადღება არ გაამახვილოს.