კორონავირუსით გარდაცვლილთა რიცხვმა მსოფლიოში 10 000-ს გადააჭარბა. ეს მონაცემი სამ სხვადასხვა საიტზეა გამოქვეყნებული, რომლებსაც საერთაშორისო მედია ეყრდნობა.

ჯონ ჰოპკინსის უნივერსიტეტის (JHU) მიხედვით, მსოფლიოში კორონავირუსით გარდაცვლილთა რიცხვი 10 031-ია, Worldmetr-ის მონაცემებით — 10 049, ხოლო Roylab Stats-ის მიხედვით —10 060. სამივე საიტი განახლებულ მონაცემებს სხვადასხვა დროს ასახავს და რამდენიმე წყაროს ეყრდნობა.

JHU-ს მონაცემებით, მსოფლიოში ამჟამად 244 523 შემთხვევა დასტურდება მათგან:

  • ჩინეთში — 81 199;
  • იტალიაში — 41 035;
  • ირანში 18 407;
  • ესპანეთში 18 077;
  • გერმანიაში — 15 320;
  • ამერიკაში 14 250.

რაც შეეხება გარდაცვლილთა რაოდენობას, უნივერსიტეტის სტატისტიკის მიხედვით, ყველაზე დიდი მაჩვენებელი ამ მხრივ იტალიას აქვს — 3 405 გარდაცვლილი, ჩინეთში, ჰუბეი 1 133 , ირანში 1 284, ესპანეთში 833.

CNN წერს, რომ მდგომარეობა ევროპასა და ამერიკაში უფრო მძიმდება. იტალიაში კორონავირუსით დაღუპულთა რიცხვმა გუშინ, 19 მარტს კონტინენტურ ჩინეთში გარდაცვლილთა რაოდენობას გადააჭარბა. ამერიკაში ინფიცირებულთა რაოდენობამ ხუთშაბათს 100 000-ს გადააჭარბა. უნივერსიტეტი წერს, რომ შემთხვევების რაოდენობა ამერიკაში შეიძლება კიდევ უფრო მეტიც იყოს, რადგან ამ დროისათვის ყველა პაციენტის ტესტირება ვერ ხერხდება, ქვეყანა სამედიცინო აღჭურვილობის დეფიციტს განიცდის.

CNN წერს, რომ პანდემიის ადგილზე ვირუსის პროგრესირება 0-ია. ჩინეთის ხელისულება ახერხებს ჰქონდეს პროგრესი ვირუსის შიდა გავრცელების წინააღმდეგ. უხანის პროვინციაში, რომელიც კორონავირუსის გავრცელების ეპიცენტრია გუშინ, არცერთი შიდა გადაცემა არ დაფიქსირებულა. უნივერსიტეტის მონაცემების მიხედვით, მსოფლიოში ვირუსით უკვე 85 032 ადამიანი გამოჯანმრთელდა. მათგან 58 382 ჰუბეიში, ჩინეთში, ირანში — 5 979, 4 440 — იტალიაში.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: