კორონავირუსის გამო კანის კინოფესტივალი გადაიდო. ფესტივალი 12-23 მაისს უნდა გამართულიყო. ორგანიზატორები აცხადებენ, რომ ღონისძიების სამომავლო თარიღისთვის რამდენიმე ვარიანტს განიხილავენ, მათ შორის ივნისის ბოლოს.

აღნიშნულ გადაწყვეტილებას წინ უსწრებდა საფრანგეთში იზოლაციის გამოცხადება.

"კანის კინოფესტივალი მხარდაჭერას უცხადებს მათ, ვინც მთელი მსოფლიოსთვის რთულ დროს ყველას თვითიზოლაციისკენ ან სოლიდარობისკენ მოუწოდებს", — ნათქვამია განცხადებაში.

კანის კინოფესტივალი 1946 წლიდან ტარდება და მას შემდეგ არასდროს გადადებულა. ის მხოლოდ ერთადერთხელ გაუქმდა, 1968 წელს, როდესაც სტუდენტური აქციები ტარდებოდა, რომლესაც ფრანგული ახალი ტალღის გამორჩეული წარმომადგენლები შეუერთდნენ, როგორების არიან ფრანსუა ტრიუფო და ჟან-ლიუკ გოდარი.

ბოლო მონაცემებით, საფრანგეთში კორონავირუსით თითქმის 11 ათასი ადამიანი დაინფიცირდა, 372 ადამიანი კი გარდაიცვალა.

ამავე თემაზე:

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: