ამერიკის შეერთებული შტატების საპრეზიდენტო არჩევნების პირველი ეგზიტპოლი სულ ცოტა ხნის წინ გამოქვეყნდა.

CNN-ის მიერ ჩატარებული ეგზიტპოლის პირველი შედეგები აჩვენებს, თუ როდის მიიღო ამერიკელმა ამომრჩეველმა გადაწყვეტილება, თუ რომელი კანდიდატი იმსახურებდა მის ხმას და კანდიდატის რომელ მახასიათებელს მიიჩნევენ ისინი ყველაზე მნიშვნელოვნად.

როგორც ჩანს ამომრჩეველთა უმრავლესობამ, 62%-მა, ზაფხულში უკვე იცოდა, თუ რომელი პარტიის წარმომადგენელი მიიღებდა მის მხარდაჭერას.

კითხვაზე, როდის გადაწყვიტეს თუ ვის მისცემდნენ ხმას, პასუხები შემდეგნაირად გადანაწილდა:

  • ბოლო რამდენიმე დღეში - 7%;
  • გასულ კვირას - 5%;
  • ოქტომბერში - 13%;
  • სექტემბერში - 13%;
  • სექტემბრამდე - 62%.

კანდიდატის რომელი მახასიათებელია ყველაზე მნიშვნელოვანი?

  • ხალხზე ზრუნვა - 15%;
  • ცვლილებების მოტანა - 38%;
  • კარგი გამოცდილება - 22%;
  • კარგი გადაწყვეტილებები - 22%.

CNN-ის წამყვანი დასძენს, რომ ცვლილებებს ტრამპის მხარდამჭერები ელიან, ხოლო კანდიდატის გამოცდილებასა და გადაწყვეტილებების მიღების უნარს ჰილარის მომხრეები მიიჩნევენ მნიშვნელოვნად.