პოლონეთის მთავრობის 15 მინისტრი კარანტინშია. ამის შესახებ ინფორმაციას BBC პოლონეთის პრემიერ მინისტრის აპარატის წარმომადგენელზე დაყრდნობით ავრცელებს.

მინისტრების კარანტინში ყოფნა მას შემდეგ გახდა საჭირო, რაც პოლონეთის გარემოს დაცვის მინისტრს, მიხალ ვოსს კორონავირუსი დაუდასტურდა.

10 მარტს გამართულ პოლონეთის მთავრობის სხდომას, რომელსაც გარემოს დაცვის მინისტრიც ესწრებოდა, 9 მინისტრი, მათ შორის პრემიერ-მინისტრიც არ დასწრებია. შესაბამისად, 15 მინისტრს, რომელიც 10 მარტის მთავრობის სხდომას ესწრებოდნენ, კორონავირუსზე ტესტირება გუშინ, 16 მარტს ჩაუტარდა და მათი პასუხები დღეს გახდება ცნობილი.

ბოლო პოლონეთში კორონავირუსით ინფიცირების 177 შემთხვევაა დადასტურებული და ვირუსით გარდაცვლილია 4 ადამიანი.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: