წელს ეკრანებზე ერთ-ერთი ყველაზე ცნობილი ამერიკელი რეჟისორის, სტივენ სპილბერგის ახალი ფილმი — West Side Story გამოვა.

ფილმი ბროდვეის ამავე სახელწოდების მქონე ცნობილი მიუზიკლის ეკრანიზაციაა, რომელიც ეკრანებზე მანამდე 1961 წელს რეჟისორებმა ჯერომი რობინსმა და რობერტ უაიზმა გააცოცხლეს.

მაშინ ეს ფილმი კინოგაქირავებაში საოცრად წარმატებული აღმოჩნდა და ოსკარებზე ათ ნომინაციაშიც გაიმარჯვა, მათ შორის საუკეთესო ფილმის კატეგორიაში.

კადრი 1961 წელს გადაღებული West Side Story-დან.

ფოტო: Metro-Goldwyn-Mayer Studios

სტივენ სპილბერგმა სწორედ ამ კლასიკური ნამუშევრის ხელახლა გაცოცხლება გადაწყვიტა, რომელიც ერთდროულადაა სასიყვარულო და კრიმინალური ისტორია და მთლიანად ახალგაზრდების ცხოვრების შესახებ მოგვითხრობს.

ფოტო: NIKO TAVERNISE / TWENTIETH CENTURY STUDIOS

ფილმის პირველწყაროში მნიშვნელოვანი ადგილი უკავიათ პუერტო-რიკოელ პერსონაჟებს, რომლებსაც 1961 წლის ეკრანიზაციაში ამერიკელი მსახიობები ასრულებდნენ. სპილბერგმა კი ამის ნაცვლად ფილმში სწორედ პუერტო-რიკოელი მსახიობი ჩართო მეტი ავთენტურობისთვის.

ფოტო: NIKO TAVERNISE / TWENTIETH CENTURY STUDIOS

იმისათვის, რომ ფილმი კიდევ უფრო მრავალფეროვანი და საინტერესო ყოფილიყო, სპილბერგმა ფილმის პროდიუსერად აირჩია მსახიობი რიტა მორენო, რომელმაც 1961 წლის ეკრანიზაციაში შესრულებული როლით ოსკარი დაიმსახურა. რეჟისორს სურდა, რომ ფილმის შექმნისას სწორედ მორენოს პერსპექტივა გაეზიარებინა სათანადოდ.

ფოტო: NIKO TAVERNISE / TWENTIETH CENTURY STUDIOS

ფილმში მთავარ როლს The Fault in Our Stars-ისა და Baby Driver-ის ვარსკვლავი, ენსელ ელგორტი ასრულებს.

ფოტო: NIKO TAVERNISE / TWENTIETH CENTURY STUDIO

მას კი ასევე მთავარ როლში პარტნიორობას გაუწევს დამწყები მსახიობი რეიჩელ ზეგლერი.

ფოტო: NIKO TAVERNISE / TWENTIETH CENTURY STUDIOS.

ფილმის პრემიერა 2020 წლის 18 დეკემბერსაა დაგეგმილი.

West Side Story

ფოტო: NIKO TAVERNISE/TWENTIETH CENTURY STUDIOS