ჩეხეთის მთავრობამ კორონავირუსის გავრცელების პრევენციის გამო ქვეყნის მთელ ტერიტორიაზე კარანტინი გამოაცხადა. ამის შესახებ ინფორმაციას დასავლური მედია ჩეხეთის პრემიერ-მინისტრის, ანდრეი ბაბიშის განცხადებაზე დაყრდნობით ავრცელებს.

როგორც ჩეხეთის პრემიერმა თქვა, ქვეყანაში კარანტინი 24 მარტამდე, ჩეხეთის დროით საღამოს 6 საათამდე გაგრძელდება.

ბოლო მონაცემებით, ჩეხეთში კორონავირუსის 253 შემთხვევაა დადასტურებული და ქვეყანაში ვირუსისგან არავინ დაღუპულა. ქვეყანაში დროებით დახურულია სკოლები და საზოგადოებრივი თავშეყრის ადგილების უმეტესობა, ასევე აკრძალულია სხვადასხვა ღონისძიებები და შეჩერებულია საერთაშორისო მიმოსვლა.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: