სასულიერო პირი კორონავირუსის პრევენციისთვის ერთჯერადი კოვზებით ზიარების რეკომენდაციას, ეკლესიის საიდუმლოებებში "უხეშად შეჭრას" და "ვითომ ჰიგიენის" წესებს უწოდებს. მისი თქმით, ვინც იმ არ ფიქრობს, რომ ზიარება ყველა "უბედურების და დაავადების" მძლეველია, ის არც უნდა ეზიაროს.

"არის უამრავი მოთხოვნა ეკლესიის წიაღში, ვითომ ჰიგიენის თვალსაზრისით, რომელიც უხეშად იჭრება საიდუმლოებათა სივრცეში და გვთავაზობს ისეთ რამეს, რომ დავფიქრდეთ და ჩვენი რწმენა და ყველაფერი ის, რაც წმინდა ტაძარში ამ საიდუმლოებით ხდება, კითხვის ნიშნის ქვეშ უნდა დავაყენოთ", — განაცხადა მან ქადაგებისაც, რომლის ვიდეოსაც რუსთავი 2 ავრცელებს.

საპატრიარქომ ერთჯერადი კოვზით ზიარებაზე უარი თქვა, თუმცა განაცხადა, რომ ზიარების შემდგომ სასმლის (სიტკბოების) მიღება მრევლს ერთჯერადი ან საკუთარი ჭიქით შეუძლია. გარდა ამისა, მრევლს მისცეს რეკომენდაცია ყოველ დილას, უზმოზე ნაკურთხი წყალი დალიონ და სახლსა და სამსახურში აპკურონ. ასევე, პატრიარქის გადაწყვეტილებით ყოველ კვირა დღეს, 12 საათზე ყველა ტაძარში უნდა დაირეკოს ზარი და მრევლმა, ეკლესიაში და სხვაგანაც, ერთად ილოცოს.

ამავე თემაზე:

პანდემია და რეკომენდაციები

დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

საქართველოში კორონავირუსით ინფიცირების 30 შემთხვევაა დადასტურებული. მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: