დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

"ბოლო დროს განვითარებული მოვლენების" [კორონავირუსის] გამო ზუგდიდისა და ცაიშის ეპარქიის მეუფემ, გერასიმემ მრევლს ხელნაკეთი ანტისეპტიკური ხსნარი დაურიგა, რომელიც მათი ინფორმაციით, კორცხელის დედათა მონასტერში დედებმა დაამზადეს. გარდა ამისა, მეუფემ ეპარქიაში დაცული საეკლესიო სიწმინდეებიც გამოიტანა და მრევლს ლოცვის გაძლიერებისკენ მოუწოდა.

ინფორმაცია ამის შესახებ ეპარქიის ფეისბუქრგვერდზე გამოქვეყნდა. ხსნარის დარიგების ფოტო კი ადგილობრივმა გამოცემა Livepress-მა გაავრცელა.

ფოტო: Livepress

საპატრიარქომ ერთჯერადი კოვზით ზიარებაზე უარი თქვა, თუმცა განაცხადა, რომ ზიარების შემდგომ სასმლის (სიტკბოების) მიღება მრევლს ერთჯერადი ან საკუთარი ჭიქით შეუძლია. გარდა ამისა, მრევლს მისცეს რეკომენდაცია ყოველ დილას, უზმოზე ნაკურთხი წყალი დალიონ და სახლსა და სამსახურში აპკურონ. ასევე, პატრიარქის გადაწყვეტილებით ყოველ კვირა დღეს, 12 საათზე ყველა ტაძარში უნდა დაირეკოს ზარი და მრევლმა, ეკლესიაში და სხვაგანაც, ერთად ილოცოს.

პანდემია და რეკომენდაციები

საქართველოში კორონავირუსით ინფიცირების 30 შემთხვევაა დადასტურებული. მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: