საქართველოში კორონავირუსის მე-13 შემთხვევა დადასტურდა. ამის შესახებ ინფორმაცია ინფექციური საავადმყოფოს გენერალურმა დირექტორმა, თენგიზ ცერცვაძემ გაავრცელა.

"შემატყობინეს, რომ დადასტურდა კიდევ ერთი შემთხვევა, რომელიც იყო ჩვენს კლინიკაში. ამჟამად კლინიკაში სულ 12 დადასტურებული შემთხვევაა. მათგან სამი არის პიროვნება, რომელიც კონტაქტში იყო იმ პირთან, ვინც იტალიაში დაინფიცირდა. ნიკა გამყრელიძეც ამ სამ პირთაგან ერთ-ერთია", — თქვა თენგიზ ცერცვაძემ TV პირველის ეთერში.

ინფექციურ საავდმყოფოში ამჟამად 50 პაციენტი წევს, რაც თენგიზ ცერცვაძის თქმით, რეკორდული ციფრია. კიდევ ერთი ინფიცირებული პაციენტი სხვა კლინიკაშია მოთავსებული.

დღეს, 7 მარტს ცნობილი გახდა, რომ კორონავირუსით დაინფიცირდა დაავადებათა კონრტოლის ეროვნული ცენტრის დირექტორის, ამირან გამყრელიძის შვილიც. ნიკოლოზ გამყრელიძემ ვირუსის დადასტურების შესახებ, თავის Facebook-ზე დაწერა და ინფექციურ საავადმყოფოს ინფორმაციის გასაჯაროების უფლება მისცა.

ამ ეტაპზე საქართველოში კორონავირუსით ინფიცირების 13 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს. ამასთანავე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს. დღეს, 7 მარტს კორონავირუსით ინფიცირების კიდევ 4 შემთხვევა დადასტურდა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: