კორონავირუსის გავრცელების პრევენციისთვის კორეის ცენტრალური ბანკი ნაღდ ფულს ორი კვირით კარანტინში მოათავსებს. საჭიროების შემთხვევაში კი ზოგი ბანკნოტი შეიძლება განადგურდეს.

კორეის ბანკი აცხადებს, რომ ბანკნოტები მაღალი ტემპერატურის ქვეშ "გაიწმინდება", როგორც ეს მათ გამოშვებამდე ხდება ხოლმე.

"ადგილობრივი ბანკებიდან ცენტრალურ ბანკში შესული ნაღდი ფული ორი კვირის განმავლობაში უსაფრთხოდ შეინახება იმის გათვალისწინებით, რომ ვირუსი საშუალოდ 9 დღეში კვდება", — განუცხადა Reuters ბანკის წარმომადგენელმა.

6 მარტის მონაცემებით სამხრეთ კორეაში კორონავირუსის სულ 6 284 შემთხვევა დაფიქსირდა. სამხრეთ კორეა ჩინეთთან, იტალიასთან და ირანთან ერთად კორონავირუსის გავრცელების ერთ-ერთი ყველაზე მაღალი რისკის ქვეყანაა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: