Love Food Hate Waste (LFHW) კამპანიაა, რომელსაც 2007 წელს დიდ ბრიტანეთში ჩაეყარა საფუძველი და რომლის მიზანსაც საკვების დანაკარგის შემცირება წარმოადგენს. კამპანიის წარმომადგენლების თქმით, მათი პროექტი საკმაოდ ბევრ ადამიანს დაეხმარა და იგი ავსტრალიაში, კანადასა და ახალ ზელანდიაშიც გავრცელდა.

LFHW-ს ვებგვერდზე ახლახან საკვებთა განმარტებითი ჩამონათვალი გამოქვეყნდა, სადაც ახსნილია თუ როგორ უნდა შეინახოთ განსხვავებული პროდუქტი სწორად.

საიტის მიხედვით, კვერცხი მაცივარში კარგად ინახება. ბანანი და მოუმზადებელი ანანასი კი ოთახის ტემპერატურაზე უნდა ინახებოდეს. დანარჩენი ხილისა და ბოსტნეულის მაცივარში დიდი ხნის განმავლობაში მოთავსება პრობლემას არ წარმოადგენს. კარტოფილისთვის და ნიორისთვის იდეალურ ადგილს გრილი, ბნელი სათავსო წარმოადგენს. სოიოს სოუსს, კეტჩუპს, მდოგვს, ზეითუნის ზეთსა და მწნილს უმჯობესია თუ მზისგან დაცულ ადგილას, კარადებში შეინახავთ.

მაიონეზი, ავოკადო და კარაქი მაცივარში შენახვით ბევრად დიდხანს ძლებს, ვიდრე თაროზე მოთავსებით. რაც შეეხება თაფლს, პურს, მარცვლეულს, თხილეულს, საკონდიტრო ნაწარმსა და გამომცხვარ საკვებს, მათი ადგილი გრილ, ბნელ თაროზეა.

"საკვების სწორ ადგილას შენახვა მის სიჯანსაღეს უზრუნველყოფს. თუკი პურს მაცივარში ინახავთ, იგი მალევე გახმება — პური კარადაში უნდა მოთავსდეს. თუმცა თუ ვაშლს მაცივარში შეინახავთ, ის საკმაოდ დიდხანს იცოცხლებს", — განაცხადა Love Food Hate Waste-ის მრჩეველმა ჰელენ უაითმა.