ყოფილი პრეზიდენტის, მიხეილ სააკაშვილის საპრეზიდენტო ბიბლიოთეკაში, მისი დამოუკიდებელი შტაბის პრეზენტაცია გაიმართა. სააკაშვილის განცხადებით, შტაბს დისტანციურად უხელმძღვანელებს.

პრეზენტაციაზე სააკაშვილი კიევიდან ონლაინ ზარით ჩაერთო და აღნიშნა, რომ შტაბის მთავარი ამოცანაა ახალგაზრდებისა და არაპარტიული აქტიური მხარდამჭერების პოლიტიკურ პროცესებში ჩართულობის ხელშეწყობა. ასევე, საარჩევნო დამკვირვებლების მომზადება და ორგანიზება.

"შტაბის ამოცანაა საუკეთესო პოლიტიკური რესურსების მობილიზაციაა. ჩვენს სამეზობლოში, ჩვენს უბანში, ეზოში უნდა გავხსნათ საქართველოს გადარჩენის შტაბები.

ჩვენი ამოცანა არ არის ვინმესთან დაპირისპირება, ეს არის შერიგების პლარფორმა. მოდით წარსულზე ნუ ვიკამათებთ, ერთად შევქმნათ წარმატებული მომავალი", — განაცხადა მან.

სააკაშვილმა აღნიშნა, რომ საზოგადოება არის ახლა ბევრად უფრო თანასწორი და უფრო გონებაგახსნილი იმისთვის, რომ "არავინ წამოაჭდეთ თავზე".

"ჩვენი მიზანი კი არ არის ვინმე გადავაგდოთ, ყველა უნდა იყოს თვითორგანიზებული, დავანებოთ თავი პარტიულ განსხვავებს. ჩვენი ამოცანა არის ვიყოთ გადებული ხიდი საქართველოს წარსულს და მომავალს შორის და ამ ხიდზე გადაიარონ ახალგაზრდებმა", — განაცხადა მან.

მიხეილ სააკაშვილის შტაბი მისივე პარტიის, ნაციონალური მოძრაობის საარჩევნო შტაბისგან დამოუკიდებლად იმუშავებს.