9 წლის ავსტრალიელი ბიჭუნას, ქუადენ ბეილსის ისტორიამ მსოფლიო შეძრა. არასრულწლოვანი ტანდაბალია, რის გამოც სკოლაში ბულინგის მსხვერპლი გახდა. ვიდეო, რომელშიც ქუადენი ტირის და ამბობს, რომ სიკვდილი უნდა, დედამ რამდენიმე დღის წინ გამოაქვეყნა ფეისბუქზე. თავდაპირველი ვიდეო ახლა მიუწვდომელია, თუმცა გავრცელებულია ტვიტერზე და სხვა სოციალურ ქსელებში.

ვიდეოს გავირუსების შემდეგ, ქუადინმა ვარსკვლავებისგან და ადამიანებისგან დიდი მხარდაჭერა მიიღო. გუშინ, 23 თებერვალს კი ის ავსტრალიის ეროვნული რაგბის ლიგაზე, All Star-ის მატჩზე სპორტსმენებთან ერთად გამოვიდა და რაგბის ვარსკვლავებს წინ გაუძღვა.

ქუადინის მხარდასაჭერად და მის დისნეილენდში წასაყვანად GoFundMe-ის კამპანიაცაა დაწყებული, სადაც მას უცნობებმა თითქმის ნახევარი მილიონი დოლარი შეუგროვეს.

ბიჭუნას დედის თქმით, ბავშვის ცხოვრება ერთ დღეში შეიცვალა უკეთესობისკენ.

"ეს მისი საუკეთესო დღე იყო", — ამბობს ის.

ფოტო: GETTY IMAGES

ვიდეოს გავრცელების შემდეგ, ტვიტერზე ქუადენს ვარსკვლავები გამოეხმაურნენ, ერთ-ერთი პირველი იყო ჰიუ ჯეკმანი.

"ქუადენ, ჩემი სახით ახალი მეგობარი გყავს", — თქვა მან ვიდეოში და ადამიანებს მოუწოდა, ერთმანეთის მიმართ უფრო კეთილები იყვნენ.

ამავე თემაზე: