ბილი აილიშის რეკორდები აღარავის უკვირს, მაგრამ შეგახსენებთ, რომ ის ყველაზე ახალგაზრდა მუსიკოსია, რომელმაც ჯეიმს ბონდის ფილმისთვის საუნდტრეკი დაწერა. კომპოზიცია, No Time to Die, მან ძმასთან, ფინიას ო'კონელთან ერთად შექმნა.

აილიშმა თავისი ხავერდოვანი ხმით შესრულებული ემოციური სიმღერა ფილმის პრემიერამდე გამოუშვა.

"ამ პროექტში ჩართვა ჩემთვის სიგიჟის ტოლფასია. ასეთი ლეგენდარული ფილმების სერიისთვის მუსიკის დაწერა დიდი პატივია. ჯეიმს ბონდი ყველაზე მაგარი ფრენჩაიზია ისტორიაში. ჯერ კიდევ შოკში ვარ", — თქვა 18 წლის მომღერალმა და 5 გრემის მფლობელმა Variety-სთან ინტერვიუში.

ფილმში აგენტი 007-ის როლში კვლავ დენიელ კრეიგს ვიხილავთ. მასში ფილმში ასევე მონაწილეობენ ლეა სეიდუ, რემი მალეკი, ბენ ვიშოუ, ლაშანა ლინჩი, ანა დე არმასი და სხვები. საკულტო ფილმების შემდეგ 25-ე ნაწილის - No Time to Die - სცენარზე ფიბი უოლერ-ბრიჯმა იმუშავა.

ფილმის, სიკვდილის დრო არ არის, პრემიერა ინგლისის კინოთეატრებში 3 აპრილს, ხოლო ამერიკაში 8 აპრილს შედგება. ეს ბოლო ფილმია, რომელშიც კრეიგი ჯეიმს ბონდის როლს მოირგებს.