ქართული ოცნების დეპუტატი, მიხეილ ყაველაშვილი ამბობს, რომ ვერცერთი კონგრესმენი და ევროპარლამენტარი ვერ ასწავლის იმ რეალობას, პრობლემებსა და გამოწვევებს რაც საქართველოშია. ამის შესახებ მაჟორიტარმა დეპუტატმა TV პირველთან ისაუბრა.

"ჩვენ ვაგრძელებთ, რომ მივაწოდოთ სრულყოფილი ინფორმაცია თუ ადგილზე რა ხდება, ჩვენს რეალობაში, ვერცერთი კონგრესმენი ვერ გვასწავლის და ვერ იქნება უფრო მეტად ინფორმირებული ვიდრე ჩვენ, ვინც ვცხოვრობთ ამ ქვეყანაში და ვიცით არსებული რეალობა. ვერცერთი კონგრესმენი, ვერცერთი ევროპარალმანეტარი ვერ დამიმტკიცებს იმ რეალობას, რა რეალობაშიც მე მიწევს ცხოვრება, გამოწვევებს და პრობლემებს", — თქვა მიხეილ ყაველაშვილმა.

ყაველაშვილის აზრით, მთავარია ის, რომ ამერიკის ოფიციალური მთავრობა მხარს გვიჭერს და ეს მხარდაჭერა წლევანდელ ბიუჯეტშიც აისახა.