ევროპარლამენტარი პეტრას აუსტრევიჩუსი აღნიშნავს, რომ საქართველოდან წამოსული ნეგატიური გზავნილების გამო ქვეყნის პოზიციები სუსტდება. ის გამოეხმაურა გიგი უგულავას პატიმრობასაც და აღნიშნა, რომ ნებისმიერ ქვეყანაში ოპოზიციონერი ლიდერის დაკავება საყურადღებოა, "მნიშვნელობა არ აქვს რის საფუძველზე ხდება ეს". მისი კომენტარის თარგმანს რუსთავი 2 ავრცელებს.

"იქედან გამომდინარე, რომ ასოცირების ხელშეკრულების თანახმად საქართველო არის ჩვენი პარტნიორი და ეს ეხება ადამიანის უფლებების კრიტერიუმს. ამავდროულად, ეს ყველაფერი ხდება აღმოსავლეთ პარტნიორობის გადაწყვეტილებამდე, თუ როგორ ვუპასუხეთ წევრ ქვეყნებს, სადაც საქართველო მოწინავე ქვეყანაა. ველით ძლიერ არგუმენტებს, როგორც ბრიუსელიდან, ასევე თბილისიდან. ამ ნეგატიური გზავნილების გამო, როგორც ჩვენი, ასევე, თბილისის პოზიციები სუსტდება", — განუცხადა მან რუსთავი 2-ს.

უზენაესმა სასამართლომ 10 თებერვალს გიგი უგულავას პატიმრობა შეუფარდა, რის გამოც ოპოზიციამ მთავრობასთან მოლაპარაკებები შეწყვიტა და აქციები დააანონსა. მათი თქმით, ეს არის პოლიტიკური დევნაა.

თბილისის ყოფილ მერსა და ოპოზიციის ერთ-ერთ ლიდერს პატიმრობაში ყოფნა ისევ 3 წლით, 2 თვითა და 8 დღით მოუწევს. საქმეზე, რომელზეც უგულავა რამდენიმე წლის წინ მსჯავრდებული იყო, გადაწყვეტილება უზენაესმა სასამართლომ 10 თებერვალს გამოაცხადა. საკასაციო საჩივარი ყოფილმა გენერალურმა პროკურორმა და ახლადარჩეულმა მოსამართლემ შალვა თადუმაძემ განიხილა. მასთან ერთად შემადგენლობაში იყვნენ მოსამართლეები, მერაბ გაბინაშვილი და გიორგი შავლიაშვილი.

საქმე ეხება თბილისის განვითარების ფონდის საქმეს, რაზეც გიგი უგულავა და მასთან ერთად ბრალდებული 4 პირი 2018 წლის თებერვალში დამნაშავედ სცეს. გიგი უგულავას პროკურატურა მერობის პერიოდში თბილისის განვითარების ფონდიდან 48 მილიონი ლარის მითვისება-გაფლანგვას ედავება.