ჩინეთიდან საქართველოს სამი მოქალაქე უკვე დაბრუნდა. აეროპორტების გაერთიანების ხელმძღვანელის, თამარ არჩვაძის თქმით, სამივე მათგანმა საკარანტინო პროცედურა უკვე დაასრულეს. მისივე თქმით, მათი ჯანმრთელობის მდგომარეობა დამაკმაყოფილებელია.

"მათ გაიარეს საკარანტინო პერიოდი გამოფრენამდე. ისინი ჩამოფრინდნენ დუბაის გავლით, სადაც ასევე გაიარეს საკარანტინო პროცედურები. ამჟამად ისინი იღებენ რჩევა-დარიგებას, თუ რა უნდა მოხდეს მას შემდეგ, რაც დაბრუნდებიან სახლში", — განაცხადა არჩვაძემ.

საქართველოს სამი მოქალაქე ჩინეთიდან ფრენების აკრძალვის გამო ვერ ბრუნდებოდა.

საქართველოს სამ მოქალაქეს, რომელიც ჩინეთიდან ფრენების აკრძალვის გამო ქვეყანაში ვერ ბრუნდებოდა, 9 თებერვალს დაბრუნდებიან. მათი ტრანსპორტირება საქართველოს აეროპორტების გაერთიანებამ უზრუნველყო.

ახალი კორონავირუსის გავრცელების გამო ჩინეთსა და მის ფარგლებს გარეთ 37 ათასზე მეტი ადამიანი დაინფიცირდა. გარდა ამისა, 813 ადამიანი გარდაიცვალა. კორონავირუსის გავრცელების პრევენციისთვის ქვეყნებმა, მათ შორის საქართველომ, ჩინეთთან ავია მიმოსვლა შეწყვიტეს.