თბილისში, ნაძალადევის რაიონში, ავტომობილის აკუმულატორების ქურდობისთვის ორი პირი დააკავეს. ამის შესახებ ინფორმაციას შინაგან საქმეთა სამინისტრო ავრცელებს.

უწყების ინფორმაციით, ბრალდებულებმა ნაძალადევის რაიონში, ვასილ თამარაშვილისა და გულრიფშის ქუჩებზე, მოქალაქეების კუთვნილი ავტომობილებიდან აკუმულატორები მოიპარეს და შემთხვევის ადგილიდან მიიმალნენ. მათივე ცნობით დაკავებულებმა კიდევ ორი ავტომანქანის გაქურდვის ფაქტი აღიარეს.

მომხდარზე გამოძიება, სისხლის სამართლის კოდექსის 177-ე მუხლის მე-3 ნაწილის ნაწილის "დ" ქვეპუნქტით დაიწყო, რაც სატრანსპორტო საშუალების წინააღმდეგ ჩადენილ ქურდობას გულისხმობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.