ორგანიზაცია სამართლიანი არჩევნების აღმასრულებელი დირექტორის მიხეილ ბენიძის განცხადებით, ორგანიზაციის დამკვირვებლების მიერ, კენჭისყრის პროცესში ცალკეულ შემთხვევებში დაფიქსირდა ისეთი მნიშვნელოვანი ხასიათის ხარვეზები, როგორიცაა, ხმის მიცემის ფარულობისა და მარკირების პროცედურის დარღვევები. მისივე განცხადებით, ამ თვალსაზრისით ყველაზე პრობლემური მარნეულის მაჟორიტარული საარჩევნო ოლქი იყო.

19:00 საათის შემდეგ სამართლიანი არჩევნების დამკვირვებლებმა შემდეგი სახის დარღვევები დააფიქსირეს:

  • ხმის დათვლის მიმდინარე პროცესში გამოვლენილი დარღვევები
  • მარკირების მქონე ამომრჩევლის მიერ ხმის მიცემა
  • არაუფლებამოსილი პირი უბანზე
  • ბიულეტენის არასათანადოდ გაცემა

ამ დროისთვის სამართლიანი არჩევნების დამკვირვებლების მიერ ჩანაწერთა წიგნში დაფიქსირდა 54 შენიშვნა, საუბნო საარჩევნო კომისიაში წარდგენილია 35, ხოლო საოლქო საარჩევნო კომისიაში 39 საჩივარი.

სამართლიანი არჩევნები ხმების პარალელური დათვლის შედეგებს 31 ოქტომბერს, 10:00 საათზე გამოაცხადებს.