ადამიანის უფელბათა ცენტრი საპარლამენტო არჩევნებს სამ რეგიონში აკვირდება. ორგანიზაციის მონიტორები და ჟურნალისტები იმყოფებიან ქვემო ქართლში, მარნეულის ეთნიკური უმცირესოებით დასახლებულ სოფლებში, შიდა ქართლში, კონფლიქტისპირა სოფლებში და ქალაქ ხაშურში, კახეთის რეგიონში - პანკისის ხეობაში და თელავის მუნიციპალიტეტის ეთნიკური უმცირესობებით დასახლებულ სოფლებში.

ადამიანის უფლებათა ცენტრის აღმასრულებელი დირექტორის, ალეკო ცქიტიშვილის განცხადებით, დაფიქსირებული დარღვევები არჩევნების შედეგებზე გავლენას ვერ მოახდენს:

„შეინიშნება ამომრჩეველთა დაბალი აქტივობა, სამაგიეროდ, საარჩევნო უბნების მიმდებარე ტერიტორიაზე კვლავ აქტიურობენ ქართული ოცნებისა და ერთიანი ნაციონალური მოძრაობის კოორდინატორები და აგიტატორები, რომლებიც აღწერენ უბანზე მისულ ამომრჩევლებს და ირიბად ახდენენ ზემოქმედებას მათ არჩევანზე.