მოძრაობა შეცვალეს ინფორმაციით, ჩხოროწყუში აქციის შემდეგ მათ სამ აქტივისტს ფიზიკურად გაუსწორდნენ. შეცვალემ დღეს ლევან და ჯუმბერ იზორიების წინააღმედეგ აქცია გამართა. მათი თქმით, აღნიშნული პირები "იზორიების კლანის" წევრები არიან.

შეცვალეს წევრების ინფორმაციით, ფიზიკური დაპირისპირება აქციის დასრულების შემდეგ, საღამოს მოხდა. მოძრაობა შეცვალეს წევრის, ოთო შენგელიას თქმით, დაზარალებულები მის გარდა არიან ნუკრი ცქიტიშვილი და ირაკლი ნაჭყეპია.

"გააღეს მანქანის კარი და სახეში დამარტყეს ფეხი. იმასაც აღვნიშნავ, რომ მანამდე ორი პოლიციელი ამ ყველაფერს შორიდან უყურებდა და რეაგირება არ მოუხდენიათ მანამ, სანამ ჩვენზე თავდასხმა არ დასრულდა. ეს არის იზორიების ბოლო გაფართხალება, ისინი არიან ძალინ შეშინებულები", — თქვა ოთო შენგელია On.ge-სთან საუბრისას.

ოთო შენგელიას თქმით, შეცვალეს წევრები ამ დროისთვის პოლიციის შენობაში გამოკითხვაზე იმყოფებიან.