საქართველოს იურისტთა ასოციაციის ინფორმაციით, მისი მონიტორებისათვის ცნობილი გახდა, რომ თბილისსა და რეგიონებში საბავშვო ბაღის აღმზრდელებს, სკოლების პედაგოგებსა და საჯარო მოხელეებს მოუწოდებენ, ხვალ კენჭისყრის უბანში მისვლისას და მათ მიერ არჩევანის გაკეთებისას ბიულეტენში არჩევანი განსხვავებული ფორმით დააფიქსირონ:

"მათ აქვთ მითითება, რომ საარჩევნო სუბიექტის ნომერი შემოხაზონ ოთხკუთხედი ფორმით და პარალელურად განახორციელონ მათ მიერ დაფიქსირებული არჩევანის ფოტო გადაღება".

საიას განცხადებით, თუ აღნიშნული ფაქტი შეესაბამება რეალობას, საქმე ეხება საარჩევნო კანონმდებლობის დარღვევა.

საია აცხადებს, რომ საარჩევნო კოდექსით აკრძალულია:

  • ნებისმიერი ზემოქმედება, რომელიც ზღუდავს ამომრჩევლის ნების თავისუფალ გამოვლენას და კონტროლი ამომრჩევლის ნების გამოვლენაზე;
  • ფოტოვიდეოგადაღება კენჭისყრის კაბინაში.

ახალგაზრდა იურისტთა ასოციაცია მოუწოდებს საარჩევნო სუბიექტებსა და სახელმწიფო უწყებების წარმომადგენლებს, არ დაუშვან ადმინისტრაციული რესურსის გამოყენება და ნებისმიერი ზემოქმედება, რომელიც აღქმული იქნება, როგორც კონტროლი ამომრჩევლის ნებაზე.

საია ამომრჩეველსაც მოუწოდებს არჩევანის დაფიქსირებისას ნება თავისუფლად გამოავლინონ და არ დაარღვიონ საარჩევნო კანონმდებლობა, კაბინაში ფოტო-ვიდეო გადაღებით.