შეიძლება ეს შენთვის აღმოჩენა იყოს, თუმცა ტყლარწმა მსოფლიოს მასშტაბით უკვე უამრავი გული მოინადირა. მისი ისტორია 1976 წლიდან იწყება, როდესაც Mattel-მა იმ დროისთვის ინოვაციური პროდუქტი გაყიდვაში ჩაუშვა.

პირველი სათამაშო ლორწო

პირველი სათამაშო ლორწო

ფოტო: wikipedia

მას შემდეგ ამ უჩვეულოდ ელასტიური და წელვადი რეზინის უამრავი ვარიაცია შეიქმნა და დღეს უკვე დიდი პოპულარობით სარგებლობს როგორც ბავშვებში, ასევე ზრდასრულებში.

აღსანიშნავია, რომ ტყლარწს ამზადებენ წყლისა და არატოქსიკური მასალის შერევით, შესაბამისად, მისით თამაში სავსებით უსაფრთხოა.

ფოტო: recroomcafe

ფოტო: growingajeweledrose

ბოლო დროს ტყლარწის ეპიდემიამ კიდევ უფრო დიდი მასშტაბი შეიძინა. ყოველდღიურად ასობით და ათასობით ახალი ვიდეო ჩნდება, რომელშიც ადამიანები სხვადასხვა ტექსტურისა და თვისების მქონე ლორწოთი იწონებენ თავს. გარდა დამყოლი და რბილი ზედაპირისა, მომხმარებლებს ამ სათამაშოს სასიამოვნო ხმაც ანიჭებთ სიამოვნებას. მძიმე და დამღლელი დღის შემდეგ მისი გაწელვა მსუბუქი ტკაცუნის თანხლებით განტვირთვის შესანიშნავი საშუალებაა.

არსებობს უამრავი ტყლარწი: რბილი, მაგარი, ხტუნია, ჟელესებრი, მუდმივი, დროებითი, მაგნიტური და ა.შ. ტყლარწების ვიდეოების გულგრილად ყურება თითქმის შეუძლებელია.