თბილისის მერიის მიერ განახლებული ჭავჭავაძისთვის 1,9 მილიონ ლარად 155 სკამის შესაძენად გამოცხადებული ტენდერი შეწყვეტილია. სატენდერო კომისია ოფიციალურ მიზეზად თბილისის მერიის შეთავაზებულ ვერსიას "სკამების ვანდალიზმისგან დაცვის" მექანიზმიების არჩადებას ასახელებს.

გამარტივებული ტენდერი წესით, გუშინ, 21 იანავარს უნდა დასრულებულიყო, თუმცა სატენდერო კომისიამ გადაწყვეტილება ერთი დღით ადრე დადო.

ამავე დოკუმენტით გაირკვა, რომ სატენდერო პირობები ტენდერში მონაწილე ერთ-ერთმა კომპანიამ შპს ჯ და აუდიტ სერვის ჯგუფმაც გაასაჩივრა. თუმცა, რა იყო მიზეზი ამის შესახებ ინფორმაცია კომისიამ ოქმში არ ასახა.

შპს ჯ და აუდიტ სერვის ჯგუფის დირექტორი, სერგო ჯავახიძე ფორმულასთან საუბრისას თბილისის მერს, კახა კალაძეს კორუფციაში ადანაშაულებს. არხი აცხადებს, რომ სკამები, რომლის შესყიდვაც მერიას ვაკისთვის აპირებდა, იტალიური კომპანიის lab23-ის ექსკლუზივია.

"ჩამოიტანა რაღაცა სურათები და დაავალდებულა მერიის თანამშრომლები გამოეცხადებინა ტენდერი. კორუფციაში გახვეულია თავიდან ბოლომდე", — თქვა ჯავახაძემ.

ფოტო: შესყიდვების სააგენტო

ფოტო: შესყიდვების სააგენტო

ფოტო: შესყიდვების სააგენტო

ფოტო: შესყიდვების სააგენტო

განახლებული ჭავჭავაძის გამზირის მოწყობისთვის საჭირო სკამების ტენდერი მერიამ 2019 წლის 20 დეკემბერს გამოაცხადა და სკამების შეძენას 1 880 969 ლარად გეგმავდა. მერია სულ ოთხი ტიპის სკამს ყიდულობდა, რომელთა საერთო რაოდენობა 155 ცალი იყო.