მარტინ სკორსეზემ 2019 წელს თავი ახალი, ვარსკვლავური შემადგენლობის მქონე ფილმით, The Irishman, და მარველის კრიტიკით დაგვამახსოვრა. ოსკაროსანმა რეჟისორმა 2019 წლის ოქტომბერში კომიქსებზე გადაღებული ფილმები გასართობ პარკებს შეადარა:

"[მარველის] ფილმებს არ ვუყურებ. ერთხელ ვცადე კიდეც, წარმოგიდგენიათ? მაგრამ ეს კინო არაა. გულწრფელად რომ გითხრათ, ჩემი ყველაზე მიახლოებული აზრი, რაც მათ შესახებ მაქვს, გასართობი პარკებია, სადაც მსახიობები სხვადასხვა მოთხოვნის ქვეშ მაქსიმუმს აკეთებენ. ეს არაა კინო, სადაც ადამიანები ერთმანეთს ემოციურ, ფსიქოლოგიურ გამოცდილებებს გადასცემენ".

მოგვიანებით მან ასევე დასძინა, რომ კინოთეატრებში მარველის ფილმებს სულ არ უნდა უჩვენებდნენ.

და წელს ისე მოხდა, რომ ოსკარზე, მარველის Avengers: Endgame და მარტინ სკორსეზეს Irishman, საუკეთესო ვიზუალური ეფექტების ნომინაციაში ერთად მოხვდა:

ნომინაციაში ასევე წარადგინეს:

  • 1917
  • The Lion King
  • Star Wars: The Rise of Skywalker

სკორსეზეს ფილმში ვიზუალური ეფექტი ფლეშბექების სცენაში, პერსონაჟების გასაახალგაზრდავებლად არის გამოყენებული. საინტერესოა, ვინ გახდება ამერიკის კინოაკადემიის ფავორიტი. აღსანიშნავია, რომ ეს ავენჯერების ერთადერთი ნომინაციაა, მაშინ, როდესაც ირლანდიელს 10 ნომინაცია აქვს.

ასევე იხილეთ: