ავსტრალიის ხანძრების კვამლმა სამხრეთ ამერიკას მიაღწია
![](http://rachel.on.ge/2020/01/07/1578426154_5e14e2e1c9aec.jpg)
ფოტო: EPA
ავსტრალიის ტყის ხანძრების კვამლმა წყნარი ოკეანე გადაკვეთა და სამხრეთ ამერიკის ქალაქებს შეეხო და შესაძლოა, ანტარქტიკასაც მიაღწიოს. როგორც The Guardian წერს, ინფორმაციას ამის შესახებ გაეროს მსოფლიო მეტეოროლოგიური ორგანიზაცია ავრცელებს.
ხანძრების კვამლმა ახალ ზელანდიაში ოკლენდის ცა უკვე შეღება ნარინჯისფრად. ორგანიზაციის განცხადებით, ცენტრალურ ჩილეში ცა ნაცრისფერი გახდა, ხოლო არგენტინის დედაქალაქ ბუენოს-აირესში მზის ჩასვლა წითელია.
![](http://rachel.on.ge/2020/01/07/1578425745.jpg)
ახალი ზელანდია
ფოტო: Reuters
ავსტრალიაში ბოლო ათწლეულების განმავლობაში ერთ-ერთი ყველაზე მასშტაბური ხანძარი მძვინვარებს, რომელსაც ათეულობით ადამიანი და ნახევარი მილიარდი ცხოველი ემსხვერპლა.
ხანძართან ბრძოლაში მეხანძრეების გარდა ჩართულია რამდენიმე ათასი მოხალისეც, ისევე როგორც სამხედროები. დასახმარებლად მეხანძრეები ავსტრალიაში კანადამ და ამერიკის შეერთებულმა შტატებმაც გაგზავნა.
ავსტრალიაში ზაფხულს ე.წ. ხანძრის სეზონიც ერთვის, რომელიც სერიოზულ საფრთხეს წარმოადგენს. მაგალითად, 2009 წელს ხანძრებმა 173 ადამიანი იმსხვერპლა.
განსაკუთრებით მძიმე გამოდგა ახლანდელი სეზონიც. ქვეყნის მეტეოროლოგიურმა სამსახურმა განაცხადა, რომ ბოლო გაზაფხული რეკორდულად მშრალი იყო. დეკემბერში ასევე რეკორდულად მაღალი იყო ქვეყნის მასშტაბით არსებული საშუალო ტემპერატურა. ეს ყველაფერი კი ძლიერმა ქარმა კიდევ უფრო გაამძაფრა.
ექსპერტების თქმით, კლიმატის ცვლილება ბუნებრივ კატასტროფებს კიდევ უფრო გამანადგურებელს ხდის. მაგალითად, ახლა ავსტრალიაში ხანძრის სეზონი უფრო ხანგრძლივი დროის განმავლობაში გრძელდება, ვიდრე ადრე.
ამავე თემაზე:
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები