თავისუფალი დემოკრატების ლიდერმა ნინო გოგუაძემ, რუსთავი 2-ზე, კურიერის პირდაპირ ეთერში, პარტიის ყოფილი წევრების ქართულ ოცნებასთან თანამშრომლობის შესახებ ისაუბრა. მისი თქმით, მიუხედავად ამ ფაქტისა, პარტიის პოზიცია უცვლელი რჩება და არ იზიარებს ზურაბ აბაშიძის, დავით ონოფრიშვილისა და გია ცაგარეიშვილის აზრს.

ნინო გუგუაძე განმარტავს, რომ თავისუფალი დემოკრატები რჩება პრინციპულ ოპოზიციად ხელისუფლებასთან:

"ჩვენ, თავისუფალ დემოკრატებში დარჩენილი წევრები და მე ვარ პარტიის დამფუძნებელი და მისი პოლიტიკური მდივანი, დღეს შევიკრიბეთ და გამოვთქვი საერთო პოზიცია და გაკვირვება, რადგან ეს ადამიანი [ზურაბ აბაშიძე] თანამშრომლობს იმ ხელისუფლებასთან, რომლის ოპოზიციაში ჩვენ ერთად წავედით და რომლის ოპოზიციად ჩვენ პრინციპების და ღირებულებების გამო აღმოვჩნდით. ჩვენ ერთად ვადანაშაულებდით ამ ხელისუფლებას არა ფორმალურ მმართველობაში, ერთად ვადანაშაულებით პოლიტიკური პატიმრების ყოფნაში. კაბელების ბიჭები ესენი არის პოლიტიკური პატიმრები. ჩვენ ვადანაშაულებდით ამ ხელისუფლებას პოლიტიკურ პროკურატურაში და ეს ყველაფერი ის ფუნდამენტური ღირებულებებია, რომელზეც ევროპული დემოკრატიული სახელმწიფო შენდება. მე ვიყავი ერთ-ერთი ვინც ვიცავდი რუსთავი 2-ს და ყოველთვის დავიცავ მას ხელისუფლების ზეწოლისგან.

მე და ჩემი თანაგუდელები, ვინც დავრჩით ისევ თანმიმდევრულად ვიბრძლებთ ჩვენი ღირებულებების დასაცავად. მათი დღევანდელი მოწოდება დაუჭირონ ქართულ ოცნებას მხარი, არ ეთანხმება პარტიის პოზიციას. თავისუფალი დემორკატების პარტიული პოზიცია არის ის რომ დიახ, ჩვენ ვლაპარაკობთ საკონსტიტუციო უმრავლესობის საფრთხეზე და იმ საფრთხეებზე, რაც იწვევს ერთი ხელისუფლების ხელში ძალაუფლების კონცენტრაციას. ჩვენ არ მოვუწოდებთ მოქალაქეებს არცერთი პოლიტიკური პარტიის ხმარდაჭერისკენ, რადგან მოქალაქეები თვითონ კარგად გადაწყვეტენ საკუთარი არჩევანს".