ნორა ლუმი, იგივე აკვაფინა პირველი წარმოშობით აზიელი მსახიობია, რომელსაც 2020 წლის ოქროს გლობუსის დაჯილდოებაზე ნომინაციაში "ქალის როლის საუკეთესო შემსრულებელი მხატვრულ ფილმში - კომედია ან მიუზიკლი" ოქროს გლობუსი გადასცეს.

მსახიობმა ჯილდო 2019 წელს გადაღებულ ამერიკულ დრამატული ფილმში The Farewell შესრულებული როლისთვის დაიმსახურა.

ფილმი ამერიკელ ქალზე გვიყვება, რომელიც მშობლიურ ჩინეთში ბრუნდება, რათა მძიმედ დაავადებულ ბებიას გამოემშვიდობოს.

"ვიცი, რომ ეს პირველი შემთხვევაა, როდესაც წარმოშობით აზიელმა მსახიობმა ამ კატეგორიაში ოქროს გლობუსი მიიღო. საოცარი განცდაა. იმედია მაქვს, ეს მხოლოდ დასაწყისია", — თქვა 31 წლის მსახიობმა.

აკვაფინამ გამარჯვება ოჯახს მიუძღვნა, განსაკუთრებით კი გარდაცვლილ დედას და იმედია გამოთქვა, რომ დედამისი ახლაც ხედავს საკუთარი ქალიშვილის ასეთ დიდ წარმატებას.