რამდენიმე დღის წინ თვითმართულმა ტრაილერმა კოლორადოს ქალაქ ლავლანდიდან Budweiser-ის 50 ათასი ქილა 200 კილომეტრით დაშორებულ კოლორადო სპრინგსში წაიღო და ორსაათიანი მგზავრობის შემდეგ ტვირთი დანიშნულების ადგილამდე წარმატებით მიიტანა.

ეს კაცობრიობისა და ტრანსპორტის ისტორიაში პირველი შემთხვევაა, როდესაც თვითმართულმა ტრაილერმა კომერციული ტვირთი ერთი ადგილიდან მეორემდე მიიტანა.

სატვირთო მანქანა ვოლვოს მარკისაა და რამდენიმე ათეული სენსორითა და კამერით იყო აღჭურვილი.

მანქანა პილოტმა დისტანციურად მიიყვანა ასაწონ სადგურამდე, ხოლო იქედან კოლორადო სპრინგსამდე ტრანსპორტმა ადამიანის ჩარევის გარეშე მიიტანა ტვირთი. თუმცა ქალაქში შესვლისთანავე მისი მართვა კვლავ პილოტმა აიღო საკუთარ თავზე საწყობში მისვლამდე.

თვითმართული სატვირთო მანქანები კომპანია Otto-ს ეკუთვნის, რომელიც აგვისტოში Uber-მა შეისყიდა.