2020 წელი სტუდია გიბლისთვის დატვირთულია, ხოლო ანიმეების მოყვარულთათვის სიურპრიზებით სავსე — ლეგენდარული იაპონური სტუდია ორ ახალ ფილმს გამოუშვებს.

ერთ-ერთი ფილმის რეჟისორი სტუდიის შემქმნელი და Spirited Away-ის თანაავტორი ჰაიაო მიაძაკია. ფილმის სახელწოდებაა Kimi-tachi wa Dō Ikiru ka (როგორ ცხოვრობ?) და ის ზაფხულში, ტოკიოში გამართული 2020 წლის ოლიმპიადის (24 ივლისი - 9აგვისტო) წინ გამოვა. ანიმე მიაძაკიმ ჯერ კიდევ 3 წლის წინ დააანონსა და თქვა, რომ ეს მისი ბოლო ნამუშევარი იქნებოდა.

უცნობია მეორე ფილმის შესახებ დეტალები, თუმცა ვიცით, რომ ფილმზე სავარაუდოდ მიაძაკის შვილი, გორო იმუშავებს. მას წარსულში გადაღებული აქვს სტუდიო გიბლის ანიმეები Tales From Earthsea და From Up On Poppy Hill.

სტუდიო გიბლიმ საახალწლო მესიჯში ისიც აღნიშნა, რომ გასართობი პარკის დიდ ნაწილზე მშენებლობა დაწყებულია. პარკის გახსნა 2022 წელს იგეგმება. 2019 წლის დეკემბერში გიბლის სრული კატალოგი სტრიმინგ სერვისებზე ხელმისაწვდომი გახდა.

ასევე იხილეთ: