ჟურნალისტების შეკითხვას, განხორციელდება თუ არა რაიმე სახის ცვლილებები მინისტრთა კაბინეტში, ჯანდაცვის მინისტრმა, დავით სერგეენკომ უპასუხა, რომ გადაწყვეტილებას ამასთან დაკავშირებით პრემიერმინისტრი არჩევნების მეორე ტურის შემდეგ მიიღებს:

"პრემიერს ეკუთვნის პირველი სიტყვა და პირველი ნაბიჯი და არჩევნების მეორე ტურის შემდეგ ის საქართველოს მოსახლეობას მინისტრთა კაბინეტის ახალ შემადგენლობას წარუდგენს. კონკრეტულად რა პოზიციები შეიცვლება, ამის შესახებ ვერაფერს გეტყვით. მე ვრჩები იგივე აზრზე, რაზეც ვიყავი, არ აქვს მნიშვნელობა, რა გვარია მინისტრი, მნიშვნელოვანია, როგორ ვითარდება დარგი".