ფეხბურთის ევროპის 2020 წლის ჩემპიონატთან დაკავშირებით სოკარის კრეატიული კამპანიის ფარგლებში აღმაშენებლის ხეივანში რებრენდირებული ავტოგასამართი სადგური გაიხსნა, რომელიც ქალაქ ლონდონის სიმბოლიკითაა გაფორმებული. იმის გამო, რომ ევროპის 2020 წლის ფინალურ ფაზას ლონდონი უმასპინძლებს,კომპანია სოკარმა კრეატიული კამპანიის დასასრულიც სწორედ ამ ქალაქს დაუკავშირა.

ავტოგასამართ სადგურზე წარმოდგენილია ქალაქის ცნობილი სიმბოლოები: ტელეფონის წითელი ჯიხურები, ავტობუსები და ტაქსები. ასევე, სადგურის კედლები გაფორმებულია ქალაქის მეტროს რუკითა და ლონდონის მეტროს ცნობილი ლოგოთი. გარდა ამისა, ამ ავტოგასამართ სადგურზე გამოფენილი იქნება სოკარის კრეატიული კამპანიის ფარგლებში რებრენდირებული ყველა ობიექტის გრაფიკული გამოსახულება.

ბოლო რამდენიმე თვის განმავლობაში, სოკარის კრეატიული კამპანიის ფარგლებში არაერთი რებრენდირებული ავტოგასამართი სადგური გაიხსნა. UEFA-ს ინიციატივით, ფეხბურთის ევროპის 2020 წლის ჩემპიონატი გლობალურად აღინიშნება და ფეხბურთის ისტორიაში პირველად, მატჩები მსოფლიოს 12 სხვადასხვა ქვეყანაში ჩატარდება. გლობალურ ღონისძიებებში კომპანია სოკარიც ჩაერთო და 20 დეკემბერს რიგით მეთერთმეტე რებრენდირებულ ავტოგასამართი სადგური აღმაშენებლის ხეივანში გახსნა.

სოკარის კამპანიის ფარგლებში 11 ავტოგასამართი სადგური გაფორმდა ახლებურად. თითოეული მათგანი ევროპის ჩემპიონატის მასპინძელი ქალაქების: რომის, ამსტერდამის, გლაზგოს, ბუდაპეშტის, კოპენჰაგენის, ბილბაოს, ბუქარესტის, მიუნხენის, დუბლინის, ბაქოსა და ლონდონის ძირითადი მახასიათებლებითა და ღირშესანიშნაობებითაა დატვირთული. ჩამონათვალში არ შედის მხოლოდ პეტერბურგი. კომპანია სოკარი ითვალისწინებს ქვეყნებს შორის არსებულ ვითარებას და საქართველოში რუსეთის ქალაქის წარმოჩენისგან თავს იკავებს.

კრეატიული კამპანიის პარალელურად, კომპანია სოკარი CSR პლატფორმის, "პასუხისმგებლობის 5 სტანდარტის" ფარგლებში, გარემოს დაცვის მიმართულებით აქტივობებს განაგრძობს.

გარდა იმისა, რომ აღმაშენებლის ხეივანში მდებარე ავტოგასამართი სადგური ლონდონის სიმბოლოკით გაფორმდა, მის სახურავზე ასევე დამონტაჟდა YINGLI SOLAR-ის მზის პანელები, რომლის სიმძლავრე 30 კილოვატია. პროექტის შემსრულებელი კომპანიაა Green Energy არის. ეს რეგიონში პირველი და მსოფლიოში ერთ-ერთი პირველი პრეცედენტია. მზის პანელები თვეში დაახლოებით 3 მეგავატ ენერგიას გამოიმუშავებს, რაც 10-მდე ხის გადარჩენას უტოლდება. აღნიშნული პანელებით მიღებული ენერგიით, სადგურის გარდა, სოკარის ახალი ბრენდი — Way Mart-ის მაღაზია მომარაგდება. პროექტის წარმატების შემთხვევაში, მსგავსი პანელები სოკარის სხვა, უფრო მსხვილ სადგურებზეც გაკეთდება.