საქართველოს მართლმადიდებელი ეკლესიის ყოფილი ეპისკოპოსი, ქრისტეფორე (ომარ) წამალაიძე რომელიც ილია მეორემ 1980 წელს ქორეპისკოპოსადაც დანიშნა, 2016 წლის საპარლამენტო არჩევნებში მარნეულის 66–ე მაჟორიტარულ ოლქში იყრიდა კენჭს. მან არჩევნებზე სულ 66 ხმა მიიღო, რაც ხმების 0,32 პროცენტია.

ომარ წამალაიძე არჩევნებში მე–17 ნომრად, პარტია საქართველოს სახელით იბრძოდა. მან არჩვენებამდე On.ge-ს განუცხადა, რომ არჩევნებში გამარჯვების შემთხვევაში, თავისი უფლებამოსილების შესრულებას ღვთისმსახურებით გეგმავდა.

ქრისტეფორე (ომარ) წამალაიძემ საეკლესიო მოღვაწეობა 1978 წელს დაიწყო. 1979 წელს აღიკვეცა ბერად და სახელად დაერქვა ქრისტეფორე. გარკვეული პერიოდის შემდეგ ის აიყვანეს ეპისკოპოსის ხარისხში და წლების განმავლობაში იყო მესხეთ-ჯავახეთის, ნიკორწმინდის, მარგვეთისა და სხვა ეპარქიების მმართველი. ილია მეორემ ის 1980 წელს ქორეპისკოპოსადაც დანიშნა. მისი საკითხი სინოდმა პირველად მრევლის საჩივრის გამო 1995 წელს განიხილა, წლების შემდეგ კი მღვდელმსახურება საერთოდ შეუჩერდა. ამჟამად ის დამოუკიდებლად ეწევა სასულიერო საქმიანობას