ექიმ ვაჟა გაფრინდაშვილის ცოლი, თამილა ლაფანაშვილი თბილისის საკრებულოს წევრს, ერეკლე კუხიანიძეს ეხმაურება და ამბობს, რომ ის ვინც ცხინვალის დე ფაქტო რეჟიმის ინფორმაციებს აკოპირებს, თავისივე სახელმწიფოს ნათქვამს უპირსპირდება. მისივე თქმით, სახელმწიფო მოხელეებს თმენის ვალდებულება აქვთ და მეტი დაფიქრება მართებთ.

"როცა ჩემი მეუღლე ტყვეობაშია, აქ დარჩენილები ვართ მე და ჩემი ორი ქალიშვილი, ის უშვერად გვაგინებს. ჩვენ ამით არაფერი არ დაგვაკლედება. ეს მისი პრობლემაა, როგორც მორალური თვალსაზრისით, ასევე კაცობით, რომელთანაც, მე მგონი, ასეთ ადამიანებს არანაირი ის არ აქვთ. ჩვენ ეს უფრო მობილიზებულს გვხდის და გვაძლიერებს", — განაცხადა თამილა ლაფანაშვილმა.

რამდენიმე დღის წინ თბილისის საკრებულოს ქართული ოცნების წევრმა ერეკლე კუხიანიძემ საოკუპაციო რეჟიმის მიერ უკანონოდ დაკავებული ექიმი ვაჟა გაფრინდაშვილის ოჯახი პროვოკაციაში დაადანაშაულა და აგინა. მსგავსი შინაარსის კრიტიკული პოსტი კუხიანიძემ პირად ფეისბუქგვერდზე მას შემდეგ გამოაქვეყნა, რაც გაფრინდაშვილის ოჯახმა ოცნების ორგანიზებულ ღონისძიებაზე თქვა, რომ ზეიმის დრო არ არის.