ყოფილი გენერალური პროკურორი, რომელიც ქართულმა ოცნებამ უზენაესი სასამართლოს მოსამართლედ აირჩია, სისხლის სამართლის საკასაციო პალატის თავმჯდომარე გახდა. როგორც უზენაესი სასამართლოს მიერ გავრცელებულ განცხადებაში ვკითხულობთ, ის ერთხმად აირჩიეს.

დღესვე, 16 დეკემბერს სისხლის სამართლის პალატის შემადგენლობაში გამწესდნენ მოსამართლეები: გიორგი შავლიაშვილი, მამუკა ვასაძე, მერაბ გაბინაშვილი და ლალი ფაფიაშვილი.

ყოფილი გენერალური პროკურორისა და ახლა უკვე უზენაესი სასამართლოს მოსამართლე თადუმაძის დიპლომთან დაკავშირებით არაერთი კითხვა არსებობს. თადუმაძის დიპლომზე საუბრობენ, როგორც არასამთავრობო ორგანიზაციები და სახალხო დამცველი, ისე ოპოზიცია. დოკუმენტების მიხედვით, თადუმაძემ 1993 წელს ჩააბარა იმ უნივერსიტეტში, რომელიც 1994 წელს დაარსდა.

შალვა თადუმაძე ამბობს, რომ მან ინსტიტუტში 16 წლის ასაკში 1994 წელს ჩააბარა, იმავე წელს, რა წელსაც დაარსდა სასწავლებელი. მისივე მტკიცებით, 1998 წელს მან ხუთწლიანი სასწავლო კურსი ექსტერნად დაასრულა. თადუმაძის განმარტებით, დიპლომში ჩაიწერა ინსტიტუტის დასრულების თარიღი და სასწავლო კურსის ხუთწლიანი ხანგრძლივობა, რამაც ორაზროვნება გამოიწვია.

გაიგეთ მეტი: