დღეს, 12 დეკემბერს თანასწორობის ჯილდო გადაეცა ცხრა ლგბტქ უფლებების აქტივისტებსა და მხარდამჭერს. მათ შორის, გამარჯვებულია ბაბუა, რომელიც ტრანსგენდერ შვილიშვილს უვლიდა, ასევე, ევანგელურ-ბაპტისტური ეკლესიის ეპისკოპოსი, ფოტოგრაფი, იურისტი, პოლიციელი და სხვა.

გამარჯვებულთა სია ასეთია:

  1. ბარი საქსესი — სივრცე ლგბტ ადამიანებისა და ზოგადად ქვიარ თემის მხარდამჭერებისთვის;
  2. მალხაზ სონღულაშვილი — საქართველოს ევანგელურ-ბაპტისტური ეკლესიის ეპისკოპოსი;
  3. მანო სვანიძე — ფოტოგრაფი, რომელიც საკუთარი ნამუშევრებით ხელს უწყობს ტრანსგენდერი ქალებისადმი არსებული სტერეოტიპების მსხვრევას;
  4. ვარლამ მალანია — პოლიციელი. თემის წევრების განცხადებით, მათ მის მიმართ დიდი ნდობა აქვთ;
  5. იური — ადამიანი, რომელსაც მნიშველოვანი წვლილი შეაქვს საქართველოში დრეგ კულტურის განვითარებაში;
  6. გაბრიელა — ტრანსგენდერი ქალი, რომელსაც წვლილი შეაქვს ტრანს თემის გაძლიერებაში;
  7. თამარ მჭედლიშვილი — იურისტი, რომელსაც წვლილი შეაქვს სიძულვილით მოტივირებული დანაშაულის გამოძიებაში.
  8. ავთანდილ კონცელიძე — ტრანსგენდერი გოგოს, ლიკას ბაბუა, რომელიც შვილიშვილს სიცოცხლის ბოლო დღეებში უვლიდა. ლიკა 24 წლის ასაკში 2018 წელს გარდაიცვალა.
  9. და ჩვენ ვიცეკვეთ — ფილმი, რომლის სანახავადაც ბრიკადებისა და პოლიციის კორდონის გავლა მოუწია მაყურებელს.

თანასწორობის ჯილდო არის მადლიერების აქტი ლგბტქი აქტივისტებისა და იმ მხარდამჭერისთვის, რომელსაც განსაკუთრებული გავლენა აქვს საზოგადოებაში ლგბტქ ადამიანების მიმართ არსებული დამოკიდებულებების შეცვლაზე. აღნიშნული ღონისძიებით გვექნება მცდელობა, კიდევ უფრო გავამყაროთ კავშირი ლგბტქ თემსა და მხარდამჭერ ჯგუფებს შორის.