მოსკოვის ყოფილი მერი, იური ლუჟკოვი 84 წლის ასაკში გარდაიცვალა. მერის თანამდებობა მას 1992-დან 2010 წლამდე ეკავა.

როგორც BBC0-ს რუსულ გამოცემა მერიაში განუცხადეს, ლუჟკოვი მიუნხენის ერთ-ერთი საავადმყოფოში გარდაიცვალა.

იური ლუჟკოვი ერთ-ერთი ის რუსი ჩინოვნიკი იყო, რომელიც რუსეთის მიერ ოკუპირებულ ტერიტორიებს დამოუკიდებელ რესპუბლიკებად აღიარებდა.

2017 წელს მოსკოვის ყოფილი მერი საქართველოში ოთხი დღის განმავლობაში იმყოფებოდა. ლუჟკოვს დარღვეული აქვს საქართველოს კანონი ოკუპაციის შესახებ და ის საქართველოს ოკუპირებულ რეგიონებში რუსეთის მხრიდანაა ნამყოფი. თუმცა შსს-მ მის წინააღმდეგ სანქციები ვერ გამოიყენა, რადგან კანონის დარღვევისთვის ხანდაზმულობის ექვსწლიანი ვადა უკვე გასული იყო.

სამინისტროში მაშინ განაცხადეს, რომ ლუჟკოვი ე.წ. შავ სიაში იქნება შეყვანილი და ის საქართველოში ვეღარ შემოვა. თვითონ ლუჟკოვი კი მიიჩნევდა , რომ თბილისის საპატიო მოქალაქე იყო.