წინა კვირაში კოლორადოს შტატს რამდენიმე ტორნადო დაატყდა თავს. საბედნიეროდ ზარალი მინიმალური იყო და არც მსხვერპლი არ მოჰყოლია.

ერთ-ერთი ტორნადო ქალაქ ვარისთან ახლოს გამოჩნდა. ექსტრემალურ მეტეოროლოგიურ მოვლენას ტორნადოებზე მონადირე რიდ ტიმერი არ მოერიდა და ქარბორბალას თავისი ავტომანქანითა და კამერით გაეკიდა.

ასეთი კადრები მხოლოდ ფილმებში გექნებათ ნანახი. ვიდეოს ერთ მომენტში ისეთი შთაბეჭდილებაც კი რჩება, რომ ოპერატორი ტიმერი ზედმეტად ახლოს მიდის საშიშ ზონასთან და სიცოცხლეს საფრთხეში იგდებს.

ექსტრემალი სინოპტიკოსის გადაღებული კადრები მართლაც უნიკალურია და საშუალებას გვაძლევს დეტალურად დავათვალიეროთ დამანგრეველი სტიქია, რომელიც აშშ-ს ცენტრალურ შტატებს ხშირად ატყდება თავს.

ოკლაჰომას შტატში წელიწადში 52-მდე ტორნადო ჩნდება, ხოლო ტეხასში 126-მდე.