საპენსიო სააგენტოს დირექტორი ლევან სურგულაძე თანამდებობას ტოვებს. მისი თქმით, სამეთვალყურეო საბჭოს ერთი კვირის წინ მიმართა და თანამდებობის დატოვებას 16 იანვრიდან გეგმავს.

საპენსიო სააგენტოს განცხადებით, სამეთვალყურეო საბჭომ განცხადება უნდა განიხილოს და გადაწყვეტილება მიიღოს. სურგულაძე აღნიშნავს, რომ თუ სამეთვალყურეო საბჭო მის განცხადებას არ დაკმაყოფილებს, იგი მზად არის "რეფორმის მასშტაბურიბიდან გამომდინარე", დაკავებულ თანამდებობაზე მუშაობა განაგრძოს.

სურგულაძე სააგენტოს ერთი წლისა და სამი თვის განმავლობაში ხელმძღვანელობს. მან 11 თვეში (აგვისტოს მონაცემებით) ანაზღაურების სახით 157 500 ლარი მიიღო.