შაუმიანის სათემო განათლების ცენტრი სამოქალაქო დარბაზთან ერთად 8 დეკემბერს წინასაახალწლო ფესტივალს გამართავს.

ფესტივალის ფარგლებში სტუმრებს შეეძლებათ დააგემოვნონ ტრადიციული ქართული საკვები, ნუგბარი და გლინტვეინი. სტუმრები ასევე შეძლებენ მონაწილოება მიიღონ სხვადასხვა აქტივობაში. ფესტივალზე წარმოდგენილ სტენდებთან სტუმრები შეძლებენ გაეცნონ შაუმიანის სათემო განათლების ცენტრის, Dvv International-ის და სამოქალაქო დარბაზის საქმიანობას.

წინასაახალწლო ფესტივალი სამის ნახევარზე გაიხსნება და სტუმრებს ექვს საათამდე უმასპინძლებს. ფესტივალი Dvv International-ის, Georgian Bus-ისა და Geovoice-ის პარტნიორობით ეწყობა. პროექტის თანადამფინანსებლები ასევე არიან: კავკასიური სახლი და ევროპული ფონდი ჰორიზონტი.

პროგრამა:

  • 14:30 — 15:00 — ფესტივალის გახსნა;
  • 15:00 — 15:30 — ქორეოგრაფიული ნაწილი / ქართული ცეკვები;
  • 15:30 — 16:30 — პოეზიის საათი (მათე სარალიშვილის წიგნის წარდგენა);
  • 16:30 — 17:45 — მუსიკალური ნაწილი (ბაჩო ჯიქიძე; მათე სარალიშვილი);
  • 17:45 — 18:00 — ფესტივალის დახურვა.