რუსეთში დააკავეს კაცი, რომელმაც ყალბი სასაზღვრო პუნქტი ააგო და ოთხი მიგრანტი მოატყუა, რომ ფინეთში გადაჰყავდა.

BBC-ს ინფორმაციით, მას შემდეგ, რაც კაცმა მიგრანტები ე.წ. სასაზღვრო პუნქტამდე მიიყვანა, მან ჯგუფი მიატოვა. მიგრანტებს ეგონათ, რომ ევროკავშირის ტერიტორიაზე იყვნენ, სინამდვილეში კი ვიბორგის ტყეში იმყოფებოდნენ. "ევროპაში მოხვედრისთვის" კი მათ 10 ათასი ევრო გადაიხადეს.

როგორც აღმოჩნდა აზიელი მიგრანტები რამდენიმე საათში ნამდვილმა მესაზღვრეებმა გააჩერეს და უთხრეს, რომ ჯერ კიდევ რუსეთის ტერიტორიაზე იყვნენ.

კაცი მიგრანტებთან ერთად 28 ნოემბერს დააკავეს. სანქტ-პეტერბურგის სასამართლომ მიგრანტების მათ მიმართ დეპორტაციის გადაწყვეტილება მიიღო. ყალბი საზღვრის ამშენებელი კი ამ დრომდე სასამართლოს გადაწყვეტილებას ელოდება.