უმრავლესობის ყოფილი დეპუტატი, ზვიად ძიძიგური 18 ნოემბერს დაკავებულების საქმეზე ამბობს, რომ სასამართლო გადაწყვეტილებები პოლიტიკური პროცესების შემაჩერებელი ვერ იქნებოდა. ამის შესახებ მათ მედიაცენტრ მთავარში განაცხადა.

"რაც შეეხება აქტივისტებს ადმინისტრაციულ პატიმრობას და ჯარიმას, ეს სასამართლო სივრცეშია და არ ვაპირებ ვთქვა, სასამართლო სწორად მოიქცა თუ არა", — აცხადებს ზვიად ძიძიგური.

მისივე თქმით, პროპორციული სისტემის ჩაგდებით მმართველმა გუნდმა "ბოთლიდან ამოუშვა ჯინი, რომლის ჩაბრუნებაც ძალიან ძნელი იქნება". როგორც პარლამენტარი აღნიშნავს, ეს სერიოზული პოლიტიკური შეცდომა იყო:

"მიუხედავად იმისა, რომ რვა წლის განმავლობაში კონსერვატიულ პარტიას და მე პირადად აგვიღია ყველაფერზე პასუხისმგებლობა და ვიყავით ერთად ყველა საქმეში, მე პირადად და კიდევ ჩემმა ორმა მეგობარმა არ ავიღეთ პასუხისმგებლობა ამ ტიპის გადაწყვეტილებაზე. ეს არის დამზარალებელი პირველ რიგში ქვეყნისთვის, მეორე რიგში მმართველი პარტიისთვის. პირადად ბიძინა ივანიშვილისთვის არის სერიოზული რეპუტაციული ზიანის მომტანი გადაწყვეტილება".

მას შემდეგ რაც მმართველმა გუნდმა პროპორციული საარჩევნო სისტემის კანონპროექტი ჩააგდო, ზვიად ძიძიგურმა და კონსერვატიული პარტიის კიდევ სამმა წევრმა უმრავლესობა დატოვეს.