მმართველი პარტიის დეპუტატი მიხეილ ყაველაშვილი ამტკიცებს, რომ ოპოზიციამ "ახალგაზრდების მიბმა დაიწყო. მისი თქმით, ყველას "თავშივე აფრთხილებდა".

"ვეუბნებოდი ნინო ჟიჟილაშვილთან, მოვუწოდებდი რომ ფრთხილად იყვნენ, თორემ მიგიტმასნიან ეგ ძალები. იმიტომ, რომ ესენი არიან ნაძირლები მართლა" — განაცხადა მან TV პირველის ეთერში.

ასე გამოეხმაურა ყაველაშვილი ქვეყანაში მიმდინარე საპროტესტო აქციებს, მათ შორის 20 ივნისს განვითარებულ მოვლენებს. ეს პირველი შემთხვევა არ არის, როდესაც მმართველი გუნდის წევრები სამოქალაქო აქტივისტებს, მათ შორის მოძრაობა #სირცხვილიას წევრებს ოპოზიციასთან აიგივებენ ან "ნაციონალური მოძრაობის მართულობას" აბრალებენ.

ივნისის შემდეგ დაწყებული აქციები პოლიტიკური შინაარსისაა, რადგან მკაიფო მოთხოვნები აქვს ხელისუფლებასთან. თუმცა ორგანიზატორები არაერთგზის აღნიშნავენ, რომ პროტესტი პოლიტიკურად მართული არ არის