ქართული ოცნების წევრს, ირაკლი (დაჩი) ბერაიას ჰგონია, რომ მის მიერ ხელმოწერილი კანონპროექტი პროპორციული საარჩევნო სისტემის შესახებ ნაციონალურ მოძრაობას სჭირდებოდა, რის გამოც მხარი არ დაუჭირა.

"ეს იყო პასუხი იმ ქმედებებზე, რაც ამ უპასუხისმგებლო პარტიებმა ამ ბოლო დროს ქნეს, ეს იყო საპატრიარქოზე შეტევაზე, ეს იყო პასუხის უმსგავსო საქციელზე, რომელიც პარლამენტში ჩაიდინეს... თქვენ თუ დაუკვირდით რეაქციას, ნაციონალური მოძრაობის ორივე განშტოება იყო გაწბილებული. ეს იყო კანონპროექტი, რომელიც მათ სჭირდებოდათ", — განაცხადა ბერაიამ.

დღეს, 14 ნოემბერს ბიძინა ივანიშვილის დაპირება არ შესრულდა. ქართულმა ოცნებამ მხარი არ დაუჭირა კანონპროექტს, რომლითაც ქვეყანაში 2020 წლის არჩევნები სრულად პროპორციული სისტემით უნდა ჩატარებულიყო.