სასწაულების გჯერათ?

თუ Friends-ის გულმხურვალე მაყურებელი და ნამდვილი გულშემატკივარი ხართ, მაშინ ახლა ნამდვილად დაუჯერებელი ამბის თითქმის მოხდენის შესაძლებლობაზე გიამბობთ: სულ მალე ეს საყვარელი სიტკომი ეკრანებზე, შესაძლოა, ახალი სეზონით დაბრუნდეს.

კი, თანაც ექვსივე უცვლელი მთავარი გმირით!

უკვე წლებია მსგავსი ინფორმაციების საშუალებით აქტიურად ცდილობენ სერიალის გაგრძელებასთან დაკავშირებით სპეკულაციებს მიმართონ, თუმცა ამჯერად The Hollywood Reporter-ის ცნობით, სანდო წყარომ დაადასტურა, რომ ნამდვილად მიმდინარეობს მოლაპარაკებები ამ საკითხზე.

გავრცელებული ინფორმაციის თანახმად, Friends-ის ახალ სეზონზე მუშაობის დაწყება კომპანია HBO-ს უნდა და მისი წარმომადგენლები აქტიურად აწარმოებენ მოლაპარაკებებს სიტკომის ექვსივე მთავარ მსახიობთან და შოუს რეჟისორებთან, რათა ისინი დაითანხმონ და უცვლელი შემადგენლობით დაბრუნდნენ ეკრანზე.

ამ ეჭვებს ისიც აძლიერებს, რომ აქამდე ამ სატელევიზიო შოუს სტრიმინგის უფლებები Netflix-ს ჰქონდა, მომავალი წლიდან კი ის WarnerMedia-ს გადაეცემა, რომელსაც HBO-სთან მჭიდრო კავშირი აქვს.

სატელევიზიო შოუების ისტორიაში ერთ-ერთ ყველაზე საკულტო სიტკომს, Friends 2019 წელს გამოსვლიდან 25 წელი შეუსრულდა: 1994 წლიდან 2004 წლამდე ათი სეზონის განმავლობაში ერთდროულად ყველაზე მხიარული და სევდიანი 236 ეპიზოდი შეიქმნა. ახლა კი ისღა დაგვრჩენია, თითები გადავაჯვარედინოთ და ჩვენი საყვარელი გმირების ეკრანზე ხელახლა გამოჩენას დაველოდოთ.