"ახლა სააკაშვილის პუდელი რომ დაგიძახოთ, თქვენ ეს მოგეწონებათ?" — ასე მიმართა პარლამენტის ვიცე-სპიკერმა, ზვიად ძიძიგურმა ნაციონალური მოძრაობის წევრს, სალომე სამადაშვილს, რომელმაც ქართული ოცნების დეპუტატებს ივანიშვილის გოშიები უწოდა.

"ჩვენმა ერთ-ერთმა კოლეგამ ოპოზიციიდან უმრავლესობის წევრებს გვიწოდა ივანიშვილის გოშიები. სალომე სამადაშვილს მინდა მივმართო, განათლებული ქალბატონი ბრძანდება, ერთმანეთის კოლეგები ვართ, მე რომ თქვენ ახლა სააკაშვილის პუდელი დაგიძახოთ, ეს მოგეწონებათ? შეიძლება, ასეთი მიმართვა კოლეგასთან? მე მინდა, ასევე სხვა კოლეგებსაც ყველას გითხრათ, რაღაცა ტიპის პოლიტიკურ სტანდარტებს ჩვენ უნდა ვიცავდეთ. ამის ვალდებულება ყველას გვაქვს", — განაცხადა ზვიად ძიძიგურმა პარლამენტში სიტყვით გამოსვლისას.

დღეს 12 ნოემბერს პარლამენტში პლენარული სხდომა მიმდინარეობს, სადაც რთ-ერთ მთავარ საკითხად პროპორციული საარჩევნო სისტემა უნდა განიხილონ. დეპუტატების პოლიტიკური განცხადებების დროს სიტუაცია არაერთხელ დაიძაბა. ერთმანეთს სიტყვიერად დაუპირისპირდნენ გედევან ფოფხაძე ირაკლი (დაჩი) ბერაია.

ამავე თემაზე: